بسم الله الرحمن الرحيم

السلام عليكم و رحمة الله و بركاته

هاي السالفة كنت باختصرها بوصف الرسومات بس شفت السالفة مطوله فقلت احط السالفة كامله بالمذكره أحسن XD

هالتفاح قصته قصة،يعني اللي مستعيل لا يكمّل قراءة XD

كان عندنا تمرين بإن نرسم Fruit أو شي من الخضروات بصورة Pixel بحيث يبيّن إنهم مربعات مو صوره عاديه، و نهتم بالـ Tints و الـ Shades و الـ Tones

فـ أنا اخترت التفاح عشانه أسهل و أحلى كـ لوحه فنية :)

و من بعد الحصان الغبي اللي رسمته من سنيييين و ماخلصته، فـ هاي أول رسمة كامله لي بالاكريليك و بالستايل الواقعي *الله يذكر كاناي بالخير* P:

طبعاً بالصف رسمت وحده ع السريع كـ نموذج أوريه للمعلمة،و قالت لي حلوة بس مو هاي اللي هي تبيه، لازم على قولتها respect the squares

و قالت لنا إن نستخدم خلفيه بلونين غامج و فاتح، فوقفت عن رسمتي و خليتها ضمن "المحاولات الفاشله" عشان بالبيت اسوي وحده على راحتي =_="

ثاني محاوله لي، طلعت التفاحه اوكي و سويت لها خلفية فاتحه و غامجه، و طبعاً شنو كان راي المعلمه "لا" =__="

هي استانست ع التفاحه بس إن الإضاءة ما كانت باينه بالخلفيه و الظل تحت التفاحه مو باين، بس خليتها ضمن "تجاربي الناجحه"

ثالث محاولة لي كانت فاشلة، و هني صورتها مع أختها الفاشلة اللي قبلها ( هي اللي ع اليسار و الفاشلة اللي قبلها ع اليمين و كانت تفاحه صفره)

بديت فيها تقريباً الساعه 9 بالليل و خلصتها الفجر، و لما خلصتها طلعت خربانه عشاني كنت تعبانه و مالي خلق لأن كارهه التسطير T-T

طبعاً لما اختربت انقهرت كنت باصيح لأن مستحيل أعيدها T^T

تلفّت حولي و لقيت رسمة التفاحه اللي حبتها بس ما عجبتها خلفيتها، فقلت مو مشكلة، و لونت كـــل الخلفيه بالأبيض و أعدت تلوينها من يديد XD

و رحت الدوام و كنت خايفه تكتشف إنها نفس التفاحه و اتفشل هههه، بس دخلت و تميت ساكته ابي اشوف ردة فعلهم

فلما صار دور لوحتي بعد استانسوا ع التفاحه، وقتها كنت باضحك بس يا فرحة ما تمت، لأن بعد ما عجبتها الخلفية، لأن الخلفية كانت من مخي مو من الـ reality >__>

طبعاً هالحجي ما كان لي بروحي، كلنا خلتني نعيد، و انا اللي عدته و لا شي جدام اللي سووه زملائي، لأن ذلاك اييبون معاهم كذا لوحه

بس أنا حدي وحده، لأني بطيئة فتاخذ مني كل وقتي،  و كنت على كثر ما خلتنا نعيد بهالرسومات صرت كله اتكلّم عن التفاح الأخضر @_@

حتى كشتي اللي هي كشتي صارت على شكل تفاحه، و يوم شافني ابوي قال: و الله كنتي يحليلج بس من دشيتي هالتخصص و انتي مختربه خخخخ T-T

عاد آخر محاولة لأنها بالويكيند و عندنا إجازة بعد عشان مولد النبي فـ كنت رايقه للتفاحه XD

يبت خلفية لونها natural على قولتها و الإضاءة خليتها على زاوية عشان التفاحه تطلع أحلى، و هاي كانت النتيجة :)

( هي اللي ع اليمين و اللي ع اليسار التفاحه اللي غيّرت خلفيتها)

فـ شرايكم؟ :)